ਸੱਤ ਘੰਟੇ ਦੀ ਜੱਦੋਜਹਿਦ ਬਾਅਦ ਜਹਾਜ ਰੂਸਲੈਂਡ ਦੀ ਧਰਤੀ 'ਤੇ ਮਾਸਕੋ ਆ ਉਤਰਿਆ।
ਕੜਾਕੇਦਾਰ ਠੰਢ ਸੀ। ਬਰਫ਼ ਪਈ ਹੋਈ ਸੀ। ਤਾਪਮਾਨ ਜ਼ੀਰੋ ਤੋਂ ਵੀ ਕਾਫ਼ੀ ਹੇਠ ਸੀ।
ਮਾਸਕੋ ਕੋਈ ਬਹੁਤੀ ਪੁੱਛ-ਗਿੱਛ ਨਹੀਂ ਸੀ।
ਬਿੱਲਾ ਜਲਦੀ ਹੀ ਬਾਹਰ ਆ ਗਿਆ।
ਕੋਈ ਜਾਣਕਾਰੀ ਨਾ ਹੋਣ ਕਰਕੇ ਉਹ ਹਨ੍ਹੇਰੀ ਵਿਚ ਉਡਦੇ ਪੱਤੇ ਵਾਂਗ ਫਿਰਦਾ ਸੀ।
ਕਿਸੇ ਨੇ ਆ ਕੇ ਉਸ ਦਾ ਮੋਢਾ ਹਿਲਾਇਆ। ਬਿੱਲਾ ਤ੍ਰਹਿ ਕੇ ਪਿੱਛੇ ਝਾਕਿਆ।
ਇਕ ਸੂਰ ਵਰਗਾ ਰੂਸੀ ਗੋਰਾ ਖੜ੍ਹਾ ਸੀ।
-"ਯੂਅਰ ਨੇਮ?" ਉਸ ਨੇ ਪੁੱਛਿਆ।
-"ਹਰੀ ਰਾਮ।" ਬਿੱਲਾ ਬੋਲਿਆ।
"ਹਰੀ ਰਾਮ" ਕਹਿਣ ਲੱਗਿਆਂ ਬਿੱਲਾ ਉੱਚੀ-ਉੱਚੀ ਰੋਣਾ ਚਾਹੁੰਦਾ ਸੀ। ਧਾਹਾਂ ਮਾਰਕੇ!
ਗੋਰਾ, ਕੁੱਤੇ ਵਾਂਗ ਸੰਗਲੀ ਫੜ ਕੇ ਨਾਲ ਤੋਰਨ ਵਾਂਗ, ਬਿੱਲੇ ਨੂੰ ਨਾਲ ਤੋਰ ਕੇ ਲੈ ਗਿਆ।